Histeraevend ek mee Joke un stuitje zeeuws zitte tiepe, dat vonk eel leuk en toen docht ik bie mun eige, das messchien ok wel us leuk om op mun log te doen. Want julder dienke messchien wè dak aoltiet zo keurig ollangs preate, ma das toch echt gin wear ô. Ik bin en bluuve un Zeeuwse trut en de Zeeuwse teale is echt de mooiste van oalemeale. En as je dan un poosje zô op zun zeeuws bezig bin eweest, dan is ut wè eel moeluk om over te scheakelen. En eihelluk ist ok eel leuk om te doen, int behin ist un bitje moeluk, ma as je émea op dreef bin dan ist hewoon un fluitje van un cent. Ik è vandeahe dus wi niks bezongders edea, un pear booschappen en un aantje hukuierd. Eihulluk mokkok es un keer mun reamen zeeme, die zie dr nie uut, ma kè hin zin ee, dus ik wachte ma rustig of tok es un keertje zin kriehe. Musschien pas tehen de kerst, dat zou wè mooi uutkomme, dan binne ze mit de kers in ieder geval schoan. Ik oope da iedereen 't un bitje behriept, ma aster vreagen binne dan oar ik dat wè ;)

Door: ria 7:57 p.m.